Prefere do ne veturi eksterlanden kaj se neceso devigas vin, vi povas komuniki per la simia gestlingvo. Sed tio estas humiliga, ne sufiĉa, limiganta la komunikadon je netolereble ridinda minimumo de „turisma lambastono" ... La lingvoj estas malfacile posedeblaj, ĉar ili estas tre malregulaj (la angla plej multe el ĉiuj) kaj portas spurojn de historiaj „balastoj" kaj esceptoj.

Ĉio principe ŝanĝiĝus, se estus enkondukita unu facila, komuna, regula, sennacia lingvo. La reguleco, fonetikeco kaj logika deriveblo reduktas la tempon necesan por lernado ĝis dekono. Tiukaze la plejparto de eŭropaj loĝantoj (kaj poste en la tuta mondo) kapablus lerni. Neniu nacio estus privilegia. Avantaĝon havus ĉiuj.

Ĉu vi scias imagi EU, kie oni komprenos vin kaj kie vi ne bezonos bestlingvon? Tio ŝanĝus multajn aferojn en bona direkto, kaj enlande, kaj en la tuta mondo. Ĉu vi ne opinias same? Postulu de viaj politikistoj, ke ili finfine faru por vi ion utilan!!!. Aliĝu al ni kaj helpu aferon bonan por ĉiuj.